Zaman kiwari mah neangan duit teh hese kacida. Komo deui ayeuna mah harga-harga kabutuhan sapopoe ge geus mahal tur mahiwal. Putat-petot aprak-aprakan sapoe jeput nyiar napkah, hasilna mah sakali beak sapoe ge. Kabeh jalma geus lieur ku duit. Lieur ngalana, bingung pareng rek dibalanjakeunna, basa kerenna mah dilema. Kateuing ari jalma beunghar jiga artis atawa pajabat nu loba duit mah, meureun ngaluarkeun duit teh asa ngaluarkeun hitut.
Arsip untuk ‘Ω Cerita Sunda’ Kategori
Nyiar Duit
Ditulis oleh Badru Tamam Mifka di/pada 26 Juli 2008
Ditulis dalam Ω Cerita Sunda | Bertanda: Ω Cerita Sunda, Badru Tamam Mifka, Nyiar Duit | 2 Komentar »
Angin Peuting di Jatinangor
Ditulis oleh Badru Tamam Mifka di/pada 20 Juli 2008
Jam sabelas peuting ujug-ujug hayang ulin ka Jatinangor. Hese pisan megat mobil, puguhing geus peuting pisan. Jabaning tiris karasana, dunya keur usum angin. Tapi teu lila karasa haneut pareng nempo langit peuting, bulan buleud diriung bentang baranang. Loba nu geus robah di alam dunya, jalan, imah, tatangkalan, wangunan, tapi bulan jeung bentang mah ti baheula ge masih endah. Zaman geus gancang robah, tapi langit tetep anteng. Ti peuting mah, jalan tiiseun, dunya jempling…
Ditulis dalam Ω Cerita Sunda | Bertanda: Ω Cerita Sunda | 2 Komentar »
Parebut Tuti
Ditulis oleh Badru Tamam Mifka di/pada 15 Februari 2008
Si Dano, sakolana di SMP Cikeruh-Sumedang, Budak Kang Baban, nyarita pangalamanna gelut ka kuring, dijieun carita we ku kuring, daripada weuh gadag di imah ngadon ngegelan panto…
Dano jeung Dacep rèk galungan, teu sirikna jiga nu rèk silih rebut pati. Elit politik mah di luhur silih dudut parebut korsi, oalah nu duaan malah rèk slih jenggut parebut Tuti. Enya Tuti pisan, Tuti Suryanti binti Ahmad Arjaki, èstuning wanoja geulis ting-ting nu jadi inceran ampir kabèh lalaki di lembur Cipati. Teu ukur barudak pamuda kamari, dalah aki-aki tujuh mulud gè najan teu nyirikeun teu welèh wè ulubiung milu kompetisi miharep ati Tuti.
Ditulis dalam Ω Cerita Sunda | Bertanda: Ω Cerita Sunda, Badru Tamam Mifka, Parebut Tuti | Leave a Comment »
Saung Katineung
Ditulis oleh Badru Tamam Mifka di/pada 14 Februari 2008
Saban poé minggu mah, réngsé solat subuh téh sok langsung morongkol deui. Béda minggu ayeuna mah, isuk-isuk gé geus leuleumpangan. Méméh balik ka imah, ngahaja nyimpang heula di kebon jagong ki Oleh. Geuning geus leubeut. Geus pada apal kabéh urang dieu mah, mun hayang jagong di kebon ieu kudu daék heula tarung panco jeung Ki Oleh, nu bogana. Teu jauh tidinya, maplak tatangkalan endah diharudum ibun.
Ditulis dalam Ω Cerita Sunda | Bertanda: Ω Cerita Sunda, Badru Tamam Mifka, Saung Katineung | 1 Komentar »
Bulé Sasab
Ditulis oleh Badru Tamam Mifka di/pada 13 Februari 2008
Kuring jeung Ki Memed mapay-mapay walungan ka kebon Haji Dayat, ngadon rék ménta daun sampeu keur lalab sambel. Ilaharna poé minggu, barudak sok ngajak liliwetan. Malem mingguna sok ngariung di pos ronda, maén kartu, ngabako, teu kaliwat kopi hideung jeung wayang golék dina radio. Teu robah barudak nu ngumpul téh ukur Jajang, Ocid, Asep jeung kuring. Ti kubu aki-akina mah ukur ki Astahim, Ki Memed jeung Ki Amin. Nya kitu isukna ngumpul téh dipungkas ku liliwetan di saungna sawah Mang Duyeh, bari diayun ambing ku haleuang kawih jeung suling ki Amin.
Ditulis dalam Ω Cerita Sunda | Bertanda: Ω Cerita Sunda, Badru Tamam Mifka, Bulé Sasab | Leave a Comment »
