mifka weblog

28 Januari 2008

Jungjunan (1)

Filed under: Ω Puisi Sunda — by Badru Tamam Mifka @ 5:30 am
Tags: ,

Bongan urang tepung, Jungjunan
najan saliwat mung tibelat nyegat
renung gumulung ngejat
tingkalacat cilingcingcat
ngagurat bengbat
Cuang-cieung neang katineung
Luak-lieuk meungkeut heuleut kageugeut
pupuntang dina regang kamelang
Ringkang nyorang lolongkrang kahayang
sakapeung keueung, Panutan,
sakapeung ludeung…

Bongan anjeun imut, Jungjunan
salawasna nyangreud haleuang implengan
nyangkaruk dina kongkolak panineungan
mung gudawang rasa hariwang
tur tagiwur ku kapaur
inggis imut anjeun lantis ku girimis
Guligah jeung lampah
piligenti niti wanci
Ririh ati neuteuli nganti asih
geumpeur wakca, Panutan,
geumpeur balaka…

Bongan anjeun neuteup, Jungjunan
kasawang bentang tingkariceup
kacipta paheut duaan eunteup
Duh sagara Cinta, galura rasa
wening hariringna ngalempengkeun
lungkawing cimata
Niat ngumbara ngumbah jomantara tunggara
najan wirahma kalangkang anjeun
celak laklak ngajauhan
mung tetep karasa deukeut, Panutan,
karasa haneut…

Janari di Sumedang
28 Januari 2008

9 Komentar »

  1. aduh janteun arisin ah hueheuheuehue

    *kabur bising di teke ku kang mifka haha

    Komentar oleh LieZMaya — 11 Februari 2008 @ 4:12 am |Balas

  2. har bet kabur. tara neke saya mah, paling nyium.

    Komentar oleh mifka — 26 Februari 2008 @ 7:32 am |Balas

  3. wah… kang…. it’s very amazing peom. i do really like it.najan abdi mhsswa b. inggris tapi abdi micinta pisan puisi sunda

    Komentar oleh tuti rohayati — 1 Maret 2008 @ 8:07 am |Balas

  4. WAH KANG HOYONG PISAN KURING TIASA .

    Komentar oleh sadoel — 14 Juli 2010 @ 3:36 pm |Balas

  5. aduh sararae..
    niron ahh…
    wios?

    Komentar oleh adia — 20 Juli 2010 @ 2:07 pm |Balas

  6. ngiring niron ah puisi2 na

    Komentar oleh tedy — 7 Agustus 2010 @ 1:40 pm |Balas

  7. waduh ieu bahasa
    hoyong abdi tiasa sapertos kieu

    Komentar oleh tedy — 7 Agustus 2010 @ 1:47 pm |Balas

  8. Hadjuh…enya ukur tepung salangkung hate muyung linglung di rungrung sagara kabingung pikir gering ngalanglayung kapelet ku nu di gelung

    @ ngagojod di harudung sarung @

    Komentar oleh Zalmi — 17 Januari 2012 @ 7:22 pm |Balas

  9. nyungken izin share ach….

    Komentar oleh iwan — 13 Maret 2012 @ 8:38 am |Balas


RSS feed for comments on this post. TrackBack URI

Kirim komentar

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Blog di WordPress.com.

%d blogger menyukai ini: