mifka weblog

15 Februari 2008

Jungjunan (2)

Filed under: Ω Puisi Sunda — by Badru Tamam Mifka @ 9:21 pm
Tags: ,

Jungjunan…
Sok hoyong terang sareng kalangkang saha
anjeun ayeuna anteng neuteup girimis
Mungguhing wirahma rasa wanoja
lir haleuang nu disidem
Ukur wasa naratas implengan
Ngawawaas kumelip langit-langit ati
nu pinuh rusiah…



Jungjunan…
Sok hoyong terang sareng kalangkang saha
anjeun ayeuna meungkeut geugeut nu manis
Tingkaretip ungkara bagja kasawang
dina kembang-kembang lamunan
Gumalindeng jadi purnama katineung
mun laksana dina keukeup kaheman
nu munggaran…

Jungjunan…
Sok hoyong terang ku kalangkang saha
anjeun ayeuna kapidangdung
Kumalayang melang dina katresna panutan
Geuning cinta teh lir kiceup wanci
nu simpe niti ati
Sakapeung inggis diturih cimata tunggara
Sakapeung geulis dina langitna nu cangra
Estuning endah mun asihna satia…

Jungjunan…
Sok hoyong terang sareng saha
anjeun jaga rumingkang ka tuntung layung
Kacipta bagja, Panutan, kacipta bagja…

Jatinangor, 15 Februari 2008

nulis
Enya, judulna JUNGJUNAN deui. Sugan we dugi ka JUNGJUNAN 4, ambeh ditayangkeun di layar bioskop. Apan RAMBO 4 ge tos tayang di bioskop.

9 Komentar »

  1. meuni ka asa ti sareset maca eta puisi,dalem pisan euy…..

    Komentar oleh dyana — 25 November 2008 @ 9:49 am |Balas

  2. abdi penyiar ti radio el nury kota bogor mawaken acara puisi dan lagu…manawi teu ka abotan… puisi2 ieu bade di bacakeun di acara abdi… kumaha?nuhun sateu acana

    Komentar oleh teacoolon — 25 November 2008 @ 9:54 am |Balas

  3. duh akang, naha tara nepungan jungjunan deui di ngariung ayeunamah?

    Komentar oleh LieZMaya — 25 November 2008 @ 2:56 pm |Balas

  4. alhamdulillah aya keneh urg sundah anu tiasa ngadamel puisi sapertos kieuu.,…. sae pisan kang dilajeung…

    Komentar oleh kang irfan — 20 Februari 2009 @ 4:18 am |Balas

  5. 110610, YS

    Komentar oleh YAYAT S JAYASANTIKA — 10 Juni 2010 @ 6:59 pm |Balas

  6. duh,,sae pisan kang. Hatur nuhun. sawios ngiring ngopy???

    Komentar oleh Nisa N — 3 Januari 2011 @ 3:30 pm |Balas

  7. duh,,sae pisan kang. Hatur nuhun…

    Komentar oleh Nisa N — 3 Januari 2011 @ 3:33 pm |Balas

  8. kagagas,…hapunten dishare ku abdi,..tong bndu

    Komentar oleh p@rusing — 3 Februari 2012 @ 10:09 am |Balas

  9. kagagas,…hpunten tong bndu…dishare ku abdi..

    Komentar oleh nineung — 3 Februari 2012 @ 10:11 am |Balas


RSS feed for comments on this post. TrackBack URI

Kirim komentar

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Buat situs web atau blog gratis di WordPress.com.

%d blogger menyukai ini: