mifka weblog

28 Juni 2008

Bancet

Filed under: Ω Cerita Masa Kecil — by Badru Tamam Mifka @ 3:45 pm
Tags: , ,

Kuring jeung lanceuk keur leutik hobi neang bancet di sawah. Lain keur di dahar atawa dijieun keur anting, tapi ditewak keur disuntik. Jadi inget, mun pareng ulin ka rumah sakit, sok ngahaja kokoreh tong sampah. Maksud teh lain rek neang sireum atawa cangkang aqua, tapi neang jarum suntik urut dokter. Geus manggih mah dibawa ka imah, tuluy ulin ka sawah newakan bancet. Geus katewak mah, bancet tuluy ditangkarakeun. Jiga dokter, suntikan nu geus dieusian cai teh ditojoskeun kana awak bancet. Puguh atuh pelendung awak bancet ngagendutan jiga nu katarajang obesitas. Geus melendung mah dilepaskeun deui. Atuh ukey-ukeyan bancet teu bisa lumpat da sirik beurateun ku cai. Ari nempo bancet ukey-ukeyan teh kuring jeung lanceuk mah akey-akeyan atoh nempona. Lain ukur hiji bancet nu disuntik teh, tapi loba.

Nya kitu tea, meureun bancet mah hayang diet, ieu mah kalahka digendutan nepika teu bisa usik-usik acan. Ayeuna mah watir mun sok inget bancet sangsara ku kalakuan kuring jeung lanceuk kuring harita. Ari mun giliran kuring jeung lanceuk disuntik ku dokter di puskesmas mah leweh nu aya. Karasa ayeuna mah, kalakuan keur leutik mah sok tara make pikiran nu alus. Puguh atuh bancet teh hayang hirup ngenah, dalah ieu mah kalahka dirogahala. Najan sato apan dirogahala jeung dinyenyeri mah jadi dosa. Ceuk ustad mah, meuncit hayam ge kudu ku peso seukeut, meh gancang paeh. Mun peso mintul mah watir ka hayam cenah. Dosa oge mun maehan sato teu puguh-puguh. Misalna aya monyet keur diuk dibedil, bari cadu di dahar, pan dosa. Tapi kiwari mah loba jelema nu ngaku nyakola tapi masih wani ngarogahala ka sato, nyiksa sato bari saukur hobi hungkul lain keur dahar. Puguh kuring jeung lanceuk mah behula masih bolon can ngarti keneh prikesatoan.

Jelema kiwari mah lain hungkul wani nyiksa sato, tapi nyiksa jelema ge wani lin? Teu seubeuh nyiksa teh, maehan deuih. Apan geus leuwih ti sato. Eta we jelema mah wani maehan dulur, maehan budak atawa miceun orok. Sato ge teu kitu-kitu teuing. Yakin kuring mah Saumur hirupna jelema kitu mah moal bagja. Bakal sangsara lahir-batin. Atuh naon ngeunahna maehan dulur sorangan, nyiksa sasama jelema nya. Naon ngeunahna hirup boga musuh. Naon ngeunahna hirup mamanggul dosa lantaran dolim ka sasama. Kuring mah sok teu kuat nempo getih ge, sok hayang utah. Nempo hayam atawa domba dipencit ge sok muringkak bulu punduk. Komo pas babaturan nyetel video kajadian nyata jelema dipencit nepika buntung mah, meni hayang pingsan. Nu heran mah kumaha eta rarasaan nu meuncitna?

Leuheung keneh mun lalajo nu maehan dina filem mah, da bobohongan. Na eta nempo beuheung dibuntungan dina video babaturan meni inget wae. Mun pareng dahar mah sok teu napsu. Tapi diajak ka rumah makan Padang mah segut deui dahar teh. Beu, jelema nu boga hate jeung akal teh gening wani keneh maehan sasama. Komo kacida jelema ngadahar daging jelema deui mah. Ah, kuring mah cukup ngarogahala bancet we baheula, tong deui-deui, komo ngrogahala jelema mah. Sanajan cakcak ge tong wani-wani dirogahala atawa dipaehan, komo kabogoh mah. Ayeuna mah karasa hanjakal baheula nyiksa bancet. Tobat, Gusti. Mun panggih deui mah rek ngahaja menta hampura. Ayeuna mah kuring kudu nyaah ka sato teh, komo bancet mah. Mun The Changcuters mah boga lagu nu judulna “ I Love U, Bibeh”, kuring mah rek nyieun lagu nu judulna “I Love U, Bancet”…

25 Juni 2008

11 Komentar »

  1. Akau ingin memberi tanggapan, namun aku tak mampu berbahasa Sunda. yang pasti tulisan ini bagus karena Mifka mampu merangkainya

    Komentar oleh Willy Subroto — 12 Desember 2008 @ 2:25 am |Balas

    • betul itu .. . . . .. .

      Komentar oleh karew — 11 Februari 2010 @ 4:57 pm |Balas

  2. subhanallah kang….
    geuning tina carita bancet eta sami percis sareng abdi, abdi ge nuju alit sareng lanceuk sok neangan jarum suntik keur nyuntikan bancet he he he …
    blogna sae pisan….

    Komentar oleh djoehro — 1 Februari 2010 @ 1:50 am |Balas

    • bhong akh mneh mah / . . . ..

      Komentar oleh karew — 11 Februari 2010 @ 4:56 pm |Balas

  3. bwat team creatif caghegar
    knpa gk tmbah lbih bnyak lgi pdahal bnyak orang yg ngedownload mp3 canghegar…..
    dmpak’x
    1)dpat membwat orang tertwa
    2)dpat menghilangkan stress
    3)dpat lucu’x hehehehe

    Komentar oleh karew — 11 Februari 2010 @ 4:55 pm |Balas

  4. Gusti, geuning baraong yeuh…..hehehe

    Komentar oleh nia — 22 Februari 2010 @ 5:18 am |Balas

  5. salam kenal kg mifka, …
    abdi ge sami nuju kelas 3 / 4 SD, gara2 nonton Film G30SPKI, eta kungsi maehan kadal hideng dugi ka di mutilasi/ dipotong2… ah dasar harita mah pikiran teh can jejeg!
    Abdi ge sami hoyong nyungken dihapunten ka eta sasami mahluk Allah SWT oge…
    Ayeuna mah abdi nembe ngartos singhoreng
    “Sifat prilaku nyaah ( sayang ) ka sasama mahluk Allah teh, saur na bag-bag-an agama teh disebat-na teh “Ihsan”
    “Urang teh kedah gaduh sifat “Ihsan” ka sasami mahluk Allah Ta’alla…
    Ku pemahaman ieu abdi salut-lah ka kg Mifka, mudah2an ulah dugika hilap urang sadaya teh tina pemahaman ieu.
    Insya Allah, Allah Ta’Alla Maha Uninga, mengenai ieu, ka urang sadayana ieu, Amien…
    Wassalam…

    Komentar oleh asdan — 7 April 2010 @ 8:59 am |Balas

  6. sdh jadi dokter belum sekarang?

    kan waktu kecilnya suka nyuntikan kodok.

    Komentar oleh endang setio — 2 Juni 2010 @ 8:04 am |Balas

  7. hahahaha…meni saradis kitu …

    Komentar oleh tyo — 15 Juli 2010 @ 5:15 am |Balas

  8. Sae Pisan tulisan/karya salira. Pangalaman ngarogahala bancet sami pisan sareng pangalaman simkuring kapungkur, mung simkuring mah sanes “bancet” anu janten korbana tapi “cak Cak”.

    Komentar oleh ceng_bahar — 18 Oktober 2011 @ 7:56 am |Balas

  9. leheng keneh akang mh nyuntik bancet, tapi abi mh kang nyenet pepetasan tras di lebetken ka baham si bancet teh, eta mah pas ngabeledagna si bancet teh langsung jungkir balik ka tukang npika paehna, abi mah ngadon nyakakak we seuri da bakat ku atoh. Tapi aynena mh asa ngaraos salah sarng nyesel deih kang. Nyaa Allhamdulillah ayna mh kang abi tiasa nyaah ka sasama mahluk Alloh… :)

    Komentar oleh Samsulmufc Manchunian Exsiemcomunity — 5 Juni 2012 @ 5:48 pm |Balas


RSS feed for comments on this post. TrackBack URI

Kirim komentar

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Buat situs web atau blog gratis di WordPress.com.

%d blogger menyukai ini: