mifka weblog

1 Januari 2009

Milangkala Kamelang

Filed under: Ω Puisi Sunda — by Badru Tamam Mifka @ 4:50 pm
Tags: ,

Milang taun lir milang kalangkang
Ngonci wanci ku ingetan nu limpeuran
Gurudug diudag guludug umur
Nyangsaya kasura cucuk hirup
Sakapeung sasar ku hawar, Gusti,
Sakapeung geumpeur ku pati

Milang taun lir milang kahayang
Mun lampah wegah tinangtu palid ku caah
Abus ka taun anyar, janji can katebus
Hareudang rumingkang, anggang diteang
Antukna pasea jeung diri sorangan
Pasea jeung kaaayaan

Milang taun lir milang kamelang
Melang rek miang, melang rek mulang
Hariwang ku kalangkang nu can kasorang
Peurih ku kaasih nu teu junti kana ati
Peurih ku lampah nu salah

Hayu mulung kaduhung, ngulang kahayang
Girimiskeun kesang di kebon harepan nu garing
Maca nu liwat ngahanca nu ngolebat
Anteur kuring, Gusti, ambeh tetep eling

Majalaya, Januari 2009

6 Komentar »

  1. lur, pan masih kenh bisa smsn.Sanajan atos lain-laina he.he.he..
    Anu jelas mah. Kaduhung mah sok paneri.
    Iwalti nungtung doma dina gelengan, terus kasuruduk.
    Tah eta kaduhung langsung wakh…wakh..wakh..

    Komentar oleh Buledz — 22 Januari 2009 @ 4:57 am |Balas

  2. aduh mni ngahelas pisan yeh…..emut kana pilampahan….

    Komentar oleh YAN — 28 Juli 2010 @ 8:13 am |Balas

  3. sae oge ieu sajak teh, tiasa dijantenkeun bahan ajar d sakola.

    Komentar oleh saepmukti — 27 Agustus 2010 @ 5:06 pm |Balas

  4. meni sae pisan puisi teh lurrr…nalangsa macana ge…

    Komentar oleh mamah salman salma — 12 Desember 2010 @ 2:02 pm |Balas

  5. ngiring ngutip

    Komentar oleh lucky — 8 April 2011 @ 1:58 am |Balas

  6. izin copas juragan

    Komentar oleh den iwong — 9 Agustus 2012 @ 3:39 am |Balas


RSS feed for comments on this post. TrackBack URI

Kirim komentar

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Blog di WordPress.com.

%d blogger menyukai ini: