mifka weblog

27 Februari 2009

Cinta Mah Moal Lapur ku Umur

Filed under: Ω Puisi Sunda — by Badru Tamam Mifka @ 3:46 am
Tags: ,

Maya Ardiwinata pada 9:02 20 Februari
Hanas diri bungah ati
nganti jangji pasinina
harianeun pasini pegat di jalan,…duh geuning
balukarna tina asih malih warni jadi peurih
Impian biheung kasorang,…jungjunan
hariring ati nu kingkin….
Badru Tamam Mifka pada 9:25 20 Februari
Hanas diri dinyari-nyari
nganti panggih kapaut ati
harianeun anjeun, Jungjunan, meuntas leupas…
Duh geuning cinta mah pinuh rusiah
mipit langit ku hate nu lungse, Gusti
bagjakeun jungjunan ati
Maya Ardiwinata pada 9:53 20 Februari
Goong teh kaimpi totos
duka naon balukarna
kajeun teu wawuh jeung dulur
kajeun anggang jeung baraya
tinimbang heunteu laksana
diri abdi jeung anjeunna,….geuning
raga iklas bibilasan….
Badru Tamam Mifka pada 23:09 20 Februari
Bagja kacipta, kasura tunggara
Duka naon rusiahna
Sawang kamelang malang kahayang
Nurih hariring kapeurih unggal peuting
Meusmeus ngejat meupeus munajat
Ngalanglayung satungtung can tepung
Naha atuh bet ngarasa jauh
Cinta mah moal lapur ku umur,
moal kungsi angkeub ku wanci…
Catatan dan Komentar di Facebook.com

16 Komentar »

  1. Resep pisan urang mah kana puisi-puisii basa sunda teh, pokona mun urang muka internet nu ditingali pasti website tentang sunda (puisina, carita/sajarahna ) pokona resep…..resep……resep

    Hatur nuhun

    Komentar oleh Didi Tarsidi — 15 April 2009 @ 10:24 am |Balas

    • sami atuh pami kitu mah… tapi nembean nyimpang di dieu mah… salam pangwanoh we…

      Komentar oleh srikandaris — 10 November 2009 @ 7:46 am |Balas

      • salam, wilujeng sumping, hatur nuhun tos kersa linggih :)

        Komentar oleh Badru Tamam Mifka — 11 November 2009 @ 11:05 am |Balas

        • hatur nuhun ah, puisina beunghar pisan ku insfirasi, nambihan romantisme, sok emut ka lembur tempat abdi dilahirkeun, matih pisan

          Komentar oleh vasco — 14 Januari 2010 @ 3:05 am |Balas

    • bner kan urang mah urang sunda , jadi resep kana sagala rupa anu berbau sunda”an mah .

      Komentar oleh dhalank — 29 Januari 2011 @ 9:54 am |Balas

  2. sae pisan puisi na…asa jadi reug reug rek salingkuh teh….hehhe nuhun ahhh

    Komentar oleh dodi — 26 Desember 2009 @ 10:50 am |Balas

  3. kang badru hatur nuhun parantos ngaupload budaya-budaya sunda, sim kuring mah resep pisan.
    pami sim kuring ngopy bahan anu ti akang kanggo dilebetkeun dina blog sim kuring teu sawios-wios?
    diantos waleranna
    hatur nuhun

    Komentar oleh jajawijanarko — 6 Januari 2010 @ 1:38 pm |Balas

  4. truz keun kang karyana kanggo ngamumule budaya urang sunda.

    Komentar oleh as mubarok — 20 Januari 2010 @ 2:08 pm |Balas

  5. Sae pisan….

    Komentar oleh Annisa — 1 Februari 2010 @ 4:11 am |Balas

  6. sae pisan …ngirikan ngaos nya hatur nuhun sateacana

    Komentar oleh rian saky — 6 Februari 2010 @ 6:21 am |Balas

  7. Asa waraas ari maos puisi atanapi carios sunda teh.. mangga teraskeun ka Mifka, da geuning sesah di zaman ayeuna mah generasi sunda anu leres-leres hoyong ngamajeungkeun atanapi ngamumule budaya sunda, …. Seuseurna mah “anu katingali ku sing kuring”, generasi sunda malah langsung seneng dengan budaya anu kabarat-baratan…

    Komentar oleh Sumpena — 22 Juni 2010 @ 5:40 am |Balas

  8. aduh kang puisina saredih euy..!
    nyhunken ijin kanggo ngopi puisina..!!!!hhe

    haturr nuhun..!!!

    Komentar oleh hilman — 24 Oktober 2010 @ 12:14 pm |Balas

  9. nyuhunkeun atuh.hee

    Komentar oleh Deiyya Za Sabila — 28 Juni 2011 @ 8:01 pm |Balas

  10. ,,\></,, nuhun kang , mugii mangfaat kanggo sadayana,,

    Komentar oleh RIFKY — 21 Desember 2011 @ 3:46 am |Balas

  11. pokona hidup lah sunda ,, nie dukung dina puisi puisi na

    Komentar oleh nie thea — 8 Januari 2012 @ 12:40 pm |Balas


RSS feed for comments on this post. TrackBack URI

Kirim komentar

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Buat situs web atau blog gratis di WordPress.com.

%d blogger menyukai ini: