mifka weblog

10 Mei 2009

Kirim Puisi Sunda

Filed under: Zero — by Badru Tamam Mifka @ 7:19 pm
Tags:

Mangga ka dulur-dulur nu mikacinta sastra Sunda, bilih bade ngiringan-ngaramekeun ngintun sajak sunda, kintun we dina kotak komentar. Sajakna ku simkuring bade ditautkeun didieu. Diantos pisan.

Sajak Sunda:

Sumirat Cahya Dina Wewengkon Sukma karya Dhecka

Kamana Angin Priangan??? Karya Oeroeg Santana

Cutatan Peuting Karya Asep Komara

Hariring karya Mughni Ismaya Putrataryana


24 Komentar »

  1. puisina bebas kang? ^_^
    ngiring aub ah… manawi tiasa ka anggo hhehehe…

    -Sumirat Cahya Dina Wewengkon Sukma-

    Gung Degung Ngadegna Hyang Agung
    Mapag kidung….. Cianjuran ciri anu ngajurung pangabdian
    Patarema jeung gelik suling nu ngajak diri…Nyumurup nyumerepkeun ka eling
    Ka Gusti Nu Maha Suci
    Pamuntangan diri pikeun sakumna pangabdi
    Hayu mulang kana ka sajatian
    Jati nu mawa kawalagrian
    Jati nu mawa kasampurnaan
    Jati nu baris mayungan ku kasalametan
    Asyhadu anlaa ila ha ilalloh wa asyhadu anna Muhammadarosulluloh
    Teu daya teu upaya anging gusti Nu Maha Kawasa

    Komentar oleh dhecka — 12 Mei 2010 @ 8:00 pm |Balas

  2. Hariring lain nu kuring
    Haleuang lain nu urang
    Hariring Kagungan Nu Maha Wening
    Haleuang Kagungan Nu Maha Wenang

    Komentar oleh Mughni Ismaya Putrataryana — 16 Juni 2010 @ 2:31 pm |Balas

    • ah eta mah nurutan ki dalang ASEP

      Komentar oleh andri heryanto — 27 Juli 2012 @ 4:01 am |Balas

  3. CUTATAN PEUTING

    Dug..Geus tibra hiji malati, dina gawir surti
    Mindingan sari, boa moal hegar deui
    Kojengkang riwanna kareret di jomantara
    Nu hanjakal ngan wungkul kadongkang ku gantar lamunan

    Reungeukeun masing teleb rongheap peuting nyirep buana
    Mangsa sang Badra ceuleuyeu di mega hideung
    Ketug jantungna bet sawirahma jeung nu ngageubra
    Kalan-kalan antare, sakapeung tatalu nutug karempan

    Moal,..moal cangcaya najan sakeudeung deui aya balebat
    Inyana geus ngabiur nyemprung ka alam implengan
    Enya, tibra keneh malati taya karingrang
    Najan sakapeung kabadug juringkang bentang.

    (Rawalumbu, 11 Juli 23.30)

    Komentar oleh Asep Komara — 12 Juli 2010 @ 7:39 am |Balas

    • Aduuuhh aya ku nyelecep kana jajantung macana ge. Raos di aosna..

      Komentar oleh Di antoine — 24 Juni 2013 @ 5:07 pm |Balas

  4. KAMANA ANGIN PRIANGAN ???

    seungit angin priangan, ngusapan embun-embunan
    hawar-hawar rerendahan ngahariring ayun ambing
    seungit angin kayangan, sumerep na lelembutan
    hawar-hawar rerendahan ngahariring éling-éling mangka éling

    waas éta tembang
    kamari katineungkeun kénéh
    dihariringkeun disisi huma, mumunggang Cikuray lebah handap
    dipirig haliwir angin, digupay dangdaunan
    dialokan ricit piit
    mangsana patani ngaguar leuweung pihumaeun
    ngagecruk pacul mapag taneuh beureum
    malikkeun kanyaah ka lembur pamatuhan
    lembur tempat kuring digubragkeun ka alam dunya
    lembur tempat kuring digedekeun di pangulinan
    lembur tempat kuring tatapa nyiar pangarti
    maguran di padepokan jati Sunda

    waas eta tembang
    harita dihaleuangkeun
    dipiring jentreng kacapi, jeung gelikna suling
    mapag usum ngijih, rek tebar binih
    dangdaunan nu maruragan kokoleangan
    nambah sarina kanyaah ka mangsa lawas
    mangsana panceg jungkiringnya Pajajaran
    mangsana seungit nyambuangna Siliwangi
    kakoncara ka sakabeh Nusantara
    pamolahna ki Sunda harita
    dina Palagan Bubat
    ciri siloka urang Sunda nu digjaya
    najan nepi kamana, ka waktu iraha
    moal leungit
    moal musnah
    asal aya nu mikanyaah

    waas eta tembang
    ayeuna tinggal panineungan
    geus leungit silokana
    tinggal waasna wungkul
    catetan nu aya tinggal jungkiringna
    kasilih ku rohakana caah modernisasi
    runggunuk huma geus teu mangrupa
    ledokna pasawahan geus luntur warnana
    seungit tatangkalan geus murag sarina
    kasilih … kaganti
    lalaunan … najan samar-samar
    leungit … kasapu haliwir angin globalisasi

    najan kitu
    kumaha urang
    nyaah atawa tega
    miara atawa palastra
    jati Sunda
    jati urang sarerea

    Komentar oleh Oeroeg Santana — 24 Juli 2010 @ 6:55 am |Balas

  5. GERENTES NU NGANGRES

    Gulidag rasa bet tuluy ngamuara jeroeun dada
    Sedengkeun tanggul cimata karasa rek bengkah nangtang ca’ah nu rongkah
    Sawirahma jeung ratugna dulag na jajantung
    Kapireng galindeng takbir nu antare ngagerihan pikir

    Nyanggakeun sadaya-daya…
    Rumasa jadi jalma loba katuna
    Palidkeun kuring di lautan hampura Anjeun, Yaa..Robbanaa…
    Malar Rohmat Anjeun cindek tur lana.

    Alloohu Akbar..
    Walillaahilhamd..

    (Subang pasisian, 2 Syawal 1431 H)

    Komentar oleh Asep komara — 11 September 2010 @ 8:01 am |Balas

    • hidup subang,,,,,
      subang maju subang gotong royong,,,
      salam kenal ti urang ciater nu nuju ngumara milarian kabeneran anu ti nu kawasa.

      Komentar oleh kiki — 24 Maret 2011 @ 5:31 am |Balas

  6. kumaha atuh???

    Komentar oleh dadi kerewed — 19 September 2010 @ 8:04 pm |Balas

  7. samar ilapat

    mapatmapat samar ilapat
    nu kungsi nyungsi janari
    tutas mitineung lalakon ngeunaan anjeun

    horeng tatu, nu medar lebah ingetan
    nginggeungkeun lemah
    parainti mipir titincakan pikir

    ukur kelemeng, ngadamparan peteng
    katut tiis ibun nu nyaliara
    sakujur raga

    mapatmapat samar ilapat
    anjeun anteng ngorehan ieu kuciwa

    (2010)

    Komentar oleh dadi kerewed — 19 September 2010 @ 8:06 pm |Balas

  8. Sabda Sunda

    Ku: Sanghyang Mughni Pancaniti

    Sunda moal leungit ku ganti wanci
    Sunda moal laas ku robah mangsa
    Sunda moal luntur ku kurunyung taun
    Sunda moal helas ku ilang bulan

    Sunda geus ngancik dina ati
    Sunda geus nyayang dina dada
    Sunda Geus kaukir dina fikir
    Sunda geus manunggal dina rasa

    Brah lumampah.. migawe sunda nu nyata
    jung lumaku.. migawe sunda nu luhung
    jig geura indit.. migawe sunda nu sajati
    Tanda syukur ka Gusti nu Maha Suci

    Dimana geus eling kitu.
    Rek ka wetan, Prak..!
    Rek ka kidul, jug..!
    Rek ka kaler, perk..!
    Rek ka kulon, los..!

    Komentar oleh Sanghyang Mughni Pancaniti — 24 Desember 2010 @ 2:52 pm |Balas

  9. sarae pisannnn

    Komentar oleh ikhsan riksayuda — 14 Januari 2011 @ 10:34 am |Balas

  10. dada karasa eungap,
    ngarenghap rasa na peureus
    kajadian nu baheula
    naha beut karasa deui

    naha diri beut meunang kanyeuri
    raga beut meunang tunggara
    ……………………..
    ……………………..
    ……………………..

    naon tuluyan na,upami teu kahartos ngacung weh ka pribados urang soreang…..

    Komentar oleh ganjar — 25 Januari 2011 @ 5:54 pm |Balas

  11. Hade pisan

    Komentar oleh zauharry — 30 Mei 2011 @ 6:44 am |Balas

  12. sae cu

    Komentar oleh lazivaly — 7 Juli 2011 @ 10:30 am |Balas

  13. RUMINGKANG
    ku : Bunga Dessri Nur Ghaliyah

    ari diri keur nyorang…

    pikiran sok ngawang-ngawang…

    hate hariwang

    paanggang

    lamun emutan beurat…

    kadang sok hayang ngadat

    kapeurih ngagedat

    ngolebat…

    kasuat-suat…

    aya anggang dina raga…

    katresna dina dada…

    kingkin dina jiwa…

    kamana kudu diteang?

    na kamana kuring kudu datang?

    anjeunna geus miang…

    raga jadi anggang…

    tapi…

    tapi ati tetep raket

    hate deukeut…

    geugeut…

    meumeut…

    lain waktuna kesel…

    geus lain usumna sebel…

    ngado’a…

    menta kanu maha kawasa…

    mapalerkeun jiwa…

    nenangkeun raga

    matak tiis dina dada…

    yakin da Gusti mah moal mirosea…

    mikanyaah balarea…

    kaasup anjeunna nu aya di alam baka…

    tangtu rahmatna bakal dibuka…

    amin…

    Komentar oleh bunga — 31 Juli 2011 @ 5:08 am |Balas

  14. KALANGKANG HEULANG

    Nungguan kalangkang heulang
    Ngitung taun milang bulan
    Beak waktu ilang poe
    Ku harianeun taya datang nembongan
    Duh gusti ……. kumaha abdi
    Mundur leuwi,maju nyeri
    Rek cicing meulitna ati
    Dua windu kalangkung,raga geus salin rupa
    Katineung geus jadi keueung
    kaasih geus jadi peurih
    Duh ….. kuharianeun teuing heulang
    lapur kutaya pisan nembongan

    Komentar oleh nuraeni — 13 Desember 2011 @ 2:43 am |Balas

  15. kang aya puisi anu mp3 teu ?

    Komentar oleh Idik Sidik — 17 Februari 2012 @ 2:19 am |Balas

  16. Papagah Aba ka warga Pangandaran

    Abah ngarasa warga pang lama na..
    saban saban tas shalat ashar abah nyawang ka sarakan abah Pangandaran
    mang alam-alam abah tara datang ka tatar Pangandaran.
    Abah ngarasa waas sadayana warga lama kababad warga anyar
    warga anyar pangandaran tatakramana kawas warga barat..!
    Malah warga Lama kababawa sakaba-kaba lantaran pangajak warga anyar

    Saprak Tas Tabrakan parna Abah jarang nganjang ka Pangandaran
    Abah nagrandapan papah ajrag-ajragan lantaran alat papah Patah,
    Lantaran hayang nyawang ka sarakan kapaksa abah datang

    sadayana warga lama sasalaman ka abah, ngan warga anyar kawasna asa-asa
    warga lama balaka ka abah, waraga anyar tara patanya atawa nganjang ka warga lama, abag ngarasa was..was naha warga pangandaran kawas hayam tara patanya..!

    Abah nyawang na angan angan kawasna masyarat pangandaran anyar ngan hayang ngarah

    Komentar oleh Yadi — 3 Maret 2012 @ 11:40 am |Balas

    • alah abah calakan lah kawas bapa sastra,

      bapa sastra kalawan garwana angkat ka pasar,
      maksad angkatna balanja kabaya.
      lantaran kabayana rada marahal,
      kapaksa bapa sastra kalawan garwana,
      jajan martabak sajah ah…

      Komentar oleh edih hernawan — 20 Januari 2013 @ 10:51 am |Balas

  17. Basa jago mimiti disada
    tina ranjang Ambu luncat kana
    bulan
    mulung bentang – bentang
    nu diawurkeun ku sanghyang
    lain keur Ambu sorangan
    ambu datang mawa bentang
    jaga bekel hirup urang
    rumingkang di bumi alam.

    Komentar oleh Ade gumelar — 18 April 2012 @ 3:24 pm |Balas

  18. Jungjunan
    Rancucut awak teu dirasa
    Endah na harepan
    Malah mandar jadi panglipur kalbu
    Minuhan angen angen jeung harepan

    Komentar oleh Uuy Rahayu — 14 Oktober 2012 @ 4:42 am |Balas

  19. RUMASA
    Rumasa ayeuna kuring sumerah da bongan karasa taya tangan pangawasa ..
    ati beuki nyeuit..peurih liwat watesan nyeri basa cimata asak…
    kacida saheng ngagulidag mapay pipi pangsisina..
    geuning ieu hate bet leeh ku nami salira…
    cenah ceuk beja mah kuring digjaya..boga kawasa …
    tapi naha ieu hate bet jumeriit ngalengis tukangeun rambut salira..
    boa enya ieu teh ghoib..
    boa enya ieu teh nu teu neurak dicacag akal..?
    boa enya..kuring teh batara lengser nu ngalungsar na lahunan salira???
    kunaon ieu hate hayang dipepende simpe…….
    Lisher GCA….2013

    Komentar oleh Lilis Herawati — 2 September 2013 @ 3:39 pm |Balas


RSS feed for comments on this post. TrackBack URI

Kirim komentar

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Blog di WordPress.com.

%d blogger menyukai ini: